Produkt & tenester on Luminated

Webhotell og nettverkstenester

Wed, 01 Apr 2020 20:05:38 +0200

Luminated tilbyr ulike nettverkstenester:

Konsulenttenester for nettverksoppsett (LAN, trådlaus og kabla, ruting og svitsjing)
Ulike Internett-tenester:
- Leige (og ev. oppsett og drift) av VPS (virtual private servers, virtuelle tenarar, frå tredjepart)
- Webhotell (vev/nettside, e-post o.l. på delt tenar)
- E-post (spesialisert e-post med garantert bra «sender IP reputation»)
- Registrering av domenenamn

I lista nedanfor finn du våre hovudleverandørar av nettverkstenester. Desse har me valt på bakgrunn av bra stabilitet, kvalitet og fart (performance) over tid. Ta gjerne kontakt for å høyra kva me kan tilby og tilrå for å løysa dine oppgåver.

Våre tenester

Sun, 29 Mar 2020 20:06:19 +0200

Luminated kan i hovudsak tilby tenester på tre ulike område:

Konsulentoppdrag

Me er involvert i både korte, frittståande oppdrag og lengre og større prosjekt. Dette involverer:

Planleggjing
Rådgjeving
Installasjon
Oppsett og konfigurasjon

Me tek i tillegg nokre kundestøtteoppdrag, databerging og slikt, men har ikkje kapasitet til, eller ynske om å tilby dét i stor skala.

Utvikling

Me er ikkje eit typisk utviklarfirma, men har likevel ein god del røynsle med oppsett av både backend (tenaroppsett, maskinvare osv.) og oppsett og utvikling av ulike content management systems (CMS). Me har både utvikla nettsider og løysingar sjølv (i Ruby, Python og PHP) og tilpassa, konfigurert og brukt system som Joomla, Bolt CM, CMS Made Simple, HTMLy, Subrion, Grav, HTMLy, Drupal, October CMS, TextPattern, MiddleMan, Jekyll, Hugo og Wordpress.

Kompetanse

Fri, 27 Mar 2020 20:56:36 +0200

I seinare år har Luminated arbeidd med oppsett og utrulling av nettsider, med alt fra infrastruktur, konfigurasjon, oppsett og implementasjon av design og brukargrensesnitt (UI, implementering av PSD/Photoshop-filer frå ein designer). I tillegg har me konfigurert og sett opp FreePBX-system (IP-telefoni) og designa, oppgradert og implementert nettverksinfrastruktur (rutarar, svitsjar og trådlause aksesspunkt, i hovudsak Mikrotik/Routerboard-maskinvare).

Fagleg bakgrunn, røynsle:

Brukarstøtte (mest inn mot IKT-personell, men òg mot sluttbrukarar)
Konsulenttenester
Planleggjing/design og implementasjon
Utvikling (mest web, men òg andre ting)
Systemadministrasjon
Kurs/utdanning (mest om systemadministrasjon og OS-relaterte emne)

Operativsystem

GNU/Linux
UNIX (Solaris, BSD, illumOS)
macOS / macOS Server (inkl. litt iOS/iPadOS)
RouterOS

Programvare og teknologier

Luminated driv i hovudsak med:

Maskinvare

Wed, 25 Mar 2020 20:05:51 +0200

Me har brei røynsle med mange ulike produsentar av både PC-maskinvare og nettverksutstyr. Av nettverksutstyr har me arbeidd med Allied Telesis, HP, Apple, Cisco, NetGear, Asus, ZyXEL, TP-Link og mange fleire. Av PC-maskinvare har me arbeidd med dei fleste vanlege merkene på marknaden, men har visse produsentar me tilrår framfor andre.

Lista nedanfor er utstyr som me kan tilby, og som me har gode røynsler med.
(Me kan skaffa og arbeida med dei fleste merke, sjølvsagt. Men me vil – serleg på nettverksfronten – tilrå utstyret der me har spissare kompetanse.)